चौथो दिन पनि फोहोर उठेन

काठमाडौ, चैत्र १ - काठमाडौं महानगरपालिका सहित उपत्यकाका नगरका कर्मचारीहरूले सुरक्षाको कारण देखाएर आइतबार चौथो दिन पनि फोहोर उठाएनन् । राजधानीका प्रमुख चोकहरूमा फोहोर थुपि्रन थालेको छ, दुर्गन्ध फैलन थालेको छ । 

मल्लकालीन ढुंगेधारा लथालिंग

ललितपुर, फाल्गुन २५ - महादेवको मूर्ति फोहोर पानीले आधा डुबेको छ । कलात्मक बक्राकार ढुंगे भित्ताको पूर्व र पश्चिममा गरुड र कमलको फूलमाथिका देवताहरू चिन्न नसक्ने अवस्थामा छन् । धारा परिसरबीचको ढुंगाको नागमा विराजमान नारायणको मूर्ति जीर्ण भइसकेको छ । जमेको फोहोर पानीको दुर्गन्धले वरपरको वातावरण नै प्रदूषित भएको छ ।

फोहोर उठेन

• जताततै दुर्गन्ध, रोग संक्रमण बढ्ने सम्भावना

काठमाडौ, फाल्गुन ३० - फोहोर बोक्ने निजी ट्रकको ठक्करले बुधबार बालकको ज्यान गएपछि सिसडोलवासीको आन्दोलनका कारण तीन दिनदेखि राजधानीमा फोहोर उठ्न सकेको छैन । चोकहरूमा फोहोर थुपि्रएर दुर्गन्ध फैलिएको छ । दैनिक सयभन्दा बढी ट्रकले राजधानीबाट सिसडोलमा फोहोर लाने गरेका थिए, तीन दिनदेखि फोहोर लाने काम ठप्प भएको छ । अहिले करिब तीन हजार टनभन्दा बढी फोहोर राजधानीका सडकका चोकमा थुपि्रएको अनुमान छ । 

ढुंगेधारा मासिँदै

भक्तपुर, फाल्गुन २४ - मध्यपुरथिमी नगरपालिका सिद्धिकालीस्थित मल्लकालीन ढुंगेधारा स्थानीयवासीको फोहोर फाल्ने ठाउँमा परिणत भएको छ । कुनै समय भक्तपुरवासीको खानेपानीको मुख्य स्रोत ढुंगेधारा थिए । तर, अहिले न तिनको प्रयोग छ न संरक्षण छ ।